Joan Hambidge gesels met Daniel Hugo oor sy nuwe digbundel, Hanekraai

Die titel van Daniel Hugo se nuutste digbundel, Hanekraai, dui volgens hom op verraad en ontwaking. In ‘n onderhoud op Versindaba het Hugo aan Joan Hambidge gesê dat die mens se verraad jeens die aarde en sy eie aard in gedigte soos “Evoluisie”, “Troetelgoed” en “Jurassic Park” ondersoek word.

Die idee van ontwaking kom veral voor in die erotiese verse aan die einde van die bundel. “Die titelgedig ‘As die haan kraai’ gaan redelik blatant oor die manlike ereksie,” sê Hugo.

Voorts figureer die haan ook as aankondiger van ‘n nuwe dag in die motto en in die laaste twee reëls van die bundel.

Jou nuwe bundel bevat gedigte oor ander digters. Hoe sien jy so ‘n gesprek? Is dit ‘n kritiese regstelling of aansluiting by daardie vakman?

Beide – dit kan ‘n kritiese regstelling by een wees, en ‘n simpatieke aansluiting by ‘n ander. Voorbeelde van die eersgenoemde soort is “Eksistensie” wat aan T.T. Cloete opgedra is of “Arthur Koestler (1905-1983)“, en van die laasgenoemde: “Twee kwatryndigters” wat handel oor Hennie Aucamp en Johann de Lange. Maar meestal is dit in memoriam-verse vir gestorwe skrywers wat van my waardering vir hulle werk en persoon getuig, soos die gedigte oor Ina Rousseau, Lucas Malan en Eugène N. Marais. Ek moes darem ook ‘n kwatryn wy aan die doyenne van die lykdig in Afrikaans:

• Volledige onderhoud: Versindaba

Boekbesonderhede

• Hanekraai deur Daniel Hugo
  Boek se tuisblad
  EAN: 9781869197636
  Spoor hierdie boek met BOOK Finder op!

Did you like this article?

Share it

Print this article

Email this article