Sunday Times Books LIVE Community Sign up

Login to Sunday Times Books LIVE

Forgotten password?

Forgotten your password?

Enter your username or email address and we'll send you reset instructions

Sunday Times Books LIVE

Protea Boekhuis

@ Sunday Times Books LIVE

Die kruppel engel deur Zenobia Kock by Protea Boekwinkel bekend gestel

Annie Klopper en Zenobia Kock

 
Die kruppel engelZenobia Kock het lank in Colesberg in die Noord-Kaap gewoon en dít is waar die storie vir haar roman Die kruppel engel ontkiem het. Intussen het sy ’n ruk lank in Skotland gebly, waar sy die boek klaargemaak het, en tans is sy ’n inwoner van Umtata, maar sy het al die pad na Stellenbosch gekom om Saterdag haar boek by Protea Boekwinkel bekend te stel.

In gesprek met Annie Klopper van Protea Boekhuis het Kock vertel dat daar heelwat buite-egtelike kinders op Colesberg is. “Die meeste weet wie hul pa is, maar dan was daar ’n paar gevalle waar die ma geweier het om te sê wie die pa is. Vir daardie kinders wat nie geweet het nie, het dit hulle altyd gepla. Selfs wanneer hulle al 50 jaar oud is, vra hulle nog steeds vir hul ma wie hul pa is.”

In Die kruppel engel skryf Kock oor só ’n kind, Tina, wat na die identiteit van haar pa soek. Daar is ook ’n karakter, Jakob, in Die kruppel engel, wat Tina bystaan. Dié geskende karakter is gegrond op ’n werklike persoon wat Kock deur die sopkombuis op die dorp ontmoet het.

Kock wou spesifiek oor hierdie onderwerp skryf omdat “daar soveel mense is wat by grootmaakouers groot word. Dis ‘n tema waarby baie mense kan aanklank vind”.

Alhoewel Die kruppel engel as ’n jeugboek geklassifiseer kan word aangesien die hoofkarakter ’n tiener is, sê Kock dat sy nie spesifiek vir jongmense geskryf het nie. “Ek skryf in elk geval nie ‘af’ na jongmense nie, so enigeen sal die boek kan lees.”

Louis Esterhuizen van Protea Boekwinkel het daarop gewys dat hierdie die tipe boek is waarin die Woordeboek van die Afrikaanse Taal ook belang sal stel, omdat Kock dit regkry om die eiesoortige Afrikaanse uitdrukkings van die mense in daardie omgewing vas te vang. Kock het vertel dat sy gereeld ongesiens notas geneem het van die uitdrukkings wat die mense in die Noord-Kaap gebruik en dat dit neerslag gevind het in die roman.

Tydens die geleentheid vir vrae het prof Albert Grundlingh uit die gehoor opgemerk dat Die kruppel engel die tipe verhaal is wat dikwels deur gewone geskiedskrywing misgekyk word. Hy het Kock bedank dat sy hierdie boek geskryf het en gesê hy sien uit daarna om dit te lees.

* * * * * * * *

Carolyn Meads het regstreeks vanaf die bekendstelling met #livebooks getwiet:

* * * * * * * *

Facebook-galery

Boekbesonderhede

e-Boek opsies – Laai nou af!


 

Please register or log in to comment