Sunday Times Books LIVE Community Sign up

Login to Sunday Times Books LIVE

Forgotten password?

Forgotten your password?

Enter your username or email address and we'll send you reset instructions

Sunday Times Books LIVE

Protea Boekhuis

@ Sunday Times Books LIVE

’n Digter in Antwerpen deur Leonard Nolens: ’n Versameling Afrikaanse vertalings deur Daniel Hugo

’n Digter in AntwerpenProtea Boekhuis stel bekend ’n Digter in Antwerpen deur Leonard Nolens, vertaal deur Daniel Hugo:

Sedert sy debuut in 1969 met die bundel Orpheushanden het Nolens hom gevestig as een van die beduidendste Vlaamse digters van ons tyd. Drie versamelbundels het reeds van sy omvangryke oeuvre verskyn en sy poësie het talle Vlaamse en Nederlandse pryse ontvang, onder meer die Jan Campert- en Constantijn Huygens-pryse, die VSB-prys en die Prijs der Nederlandse letteren.

Vir hierdie versameling Afrikaanse vertalings het Hugo veral gekies uit gedigte oor Antwerpen, die stad waar Nolens woon en werk; die agtergrond van talle gedigte wat soms ook as stilswyende gespreksgenoot vir die digter optree. Die ander durende gespreksgenoot is sy geliefde. Nolens is ’n liefdesdigter sonder gelyke in die moderne Nederlandse letterkunde. Nolens skryf ook oor onderwerpe soos musiek, ander Europese lande en oor die mens se stryd om met homself tot ’n vergelyk te kom.

Oor die outeur

Leonard Nolens is in 1947 in Bree, België gebore. Hy woon in Antwerpen. Hy skryf voltyds en benewens dagboeke en enkele romans het daar reeds 23 digbundels uit sy pen verskyn. Hy het talle pryse vir sy digkuns ontvang.

Oor die vertaler

Daniel Hugo is ’n gerekende digter, letterkundige en vertaler. In 2014 ontvang hy die Akademieprys vir Vertaalde werk vir sy vertaling van Tom Lanoye se roman Sprakeloos. Hy is ook ’n bekende aanbieder van poësieprogramme oor die radio en is beskikbaar vir onderhoude en praatjies.

Boekbesonderhede

 

Please register or log in to comment