Sunday Times Books LIVE Community Sign up

Login to Sunday Times Books LIVE

Forgotten password?

Forgotten your password?

Enter your username or email address and we'll send you reset instructions

Sunday Times Books LIVE

Protea Boekhuis

@ Sunday Times Books LIVE

2015 Eugène Maraisprys aan Nicola Hanekom vir Die pad byster: Lees Willie Burger se huldigingswoord

 
Die pad bysterDie pad byster deur Nicola Hanekom – waarin haar twee dramatekste “Hol” en “Trippie” verskyn – het vanjaar die Suid-Afrikaanse Akademie vir Wetenskap en Kuns se gesogte Eugène Maraisprys ontvang.

Tydens die oorhandigingsgeleentheid in Stellenbosch het professor Willie Burger onder meer die volgende te sê gehad oor hierdie Protea-publikasie:

“Hanekom se taalgebruik is vars, die dialoog sprankelend, met dikwels ‘n verradelike ligte vrolikheid wat ‘n donker boosheid wat daaragter lê verdoesel en wat juis daarom veelduidig en meer skrikwekkend word.”

Lees die gerespekteerde akademikus se volledige huldigingswoord:
 

* * * * * * * * *

 
Alhoewel “vernuwing” nie noodwendig die vernaamste vereiste vir die toekenning van die Eugène Marais-prys is nie, speel die verskuiwing van grense, die deurbreking van lesersverwagtings deur vernuwende tegnieke of temas, dikwels ‘n deurslaggewende rol wanneer ‘n besluit oor die prys geneem word.

“Hol” en “Trippie” uitgegee as Die pad byster, bring inderdaad ‘n verfrissende vernuwing in Afrikaanse teater.

Hanekom laat die gehoor nie toe om passief te sit en kyk nie maar nooi hulle uit om saam ‘n pad te loop, om op reis te gaan. Die gehoor raak dan ook saam met die karakters die pad byster, word oorweldig deur ‘n reeks verrassende stemmingswisselings wat wissel van vermaak, verwondering en nuuskierigheid tot skok, skrik en verbystering.

Die manier waarop die vrou in Hol se gedagtes, haar innerlike belewenis, die herinnerings wat sy onderdruk en die oorsaak van haar “hol” gevoel deur uiterlike handeling, tot ‘n skokervaring vir die gehoor toeganklik gemaak word, is ‘n merkwaardige prestasie en een van die eerste voorbeelde van gepubliseerde “fisiese teater” in Afrikaans.

In “Trippie” word die gehoor letterlik saam op reis geneem, op ‘n “bustrippie”, maar dit is ‘n ontstellende reis wat, net soos Hol, die leser telkens verras en met nuwe wendings skok.

Hanekom se taalgebruik is vars, die dialoog sprankelend, met dikwels ‘n verradelike ligte vrolikheid wat ‘n donker boosheid wat daaragter lê verdoesel en wat juis daarom veelduidig en meer skrikwekkend word. Meer belangrik is egter dat hierdie treffende taalgebruik fyn gekoördineer saam met handeling, beligting, klank, en handelinge lei tot ‘n ontstellende ervaring wat by die toeskouers bly spook.

Meneer die voorsitter, ek versoek u om die Eugène Maraisprys vir drama aan Nicola Hanekom te oorhandig.
 

* * * * * * * * *

 
Hanekom, een van die land se voorste aktrises sowel as dramaturge, is tans te sien as Beatrice in die nuwe tienerkomdie Hollywood in my huis wat verlede week by teaters landwyd begin draai het.

Netwerk24 se Rochélle Human het by Hanekom aangeklop om te gesels oor hierdie projek, haar gemak op die silwerdoek en haar eie drome van Hollywood.

“Ek het nog nooit eintlik ­belang gestel in sukses of ­roem nie; ek hou net regtig van ­toneelspel,” sê Hanekom. Lees die artikel vir meer:

 

Die toneelspelakademie ACT-Kaapstad wemel van energieke jong mense.

Eers verskyn die akteur Grant Swanby, Nicola Hanekom se man, uit een van die klaskamers.

En dan uit ’n ander vertrek die aktrise self, in haar rol as toneelspelafrigter. Sy is ’n ­petite bondel energie X praat vinnig en drafstap deur die gebou se gange in haar jeans en poniestert.

Haar ysblou oë het die ­potensiaal om koud te wees, maar Hanekom het ’n speelsheid wat ’n mens dadelik op jou gemak stel.

 
Lees ook:

Boekbesonderhede

 
Boonste foto met dank van Nicola Hanekom

 

Please register or log in to comment