Sunday Times Books LIVE Community Sign up

Login to Sunday Times Books LIVE

Forgotten password?

Forgotten your password?

Enter your username or email address and we'll send you reset instructions

Sunday Times Books LIVE

Protea Boekhuis

@ Sunday Times Books LIVE

Vat 5 met Willem Anker oor Samsa-masjien: “Teater wil versteur, nie bekeer nie”

 
Samsa-masjienWillem Anker se bekroonde drama, Samsa-masjien, het vanjaar by Protea Boekhuis verskyn en vertel die verhaal van die insekwording van Gregor Samsa.

Samsa is in sy sewentigs en lei aan dementia. Hy en sy vrou Josephine bly by hul dogter Grete en haar man Tjaart in Sandton, en soos die Gregor in Franz Kafka se Die Verwandlung, begin hy om orals insekte te sien. Namate die dementia toeneem voel hy hoe hulle op hom loop en dink hy dat hy self besig is om ‘n insek te word.

Books LIVE het vyf vrae aan Anker gestel oor Samsa-masjien. Die skrywer deel die vyf tekste wat hom geïnspireer het om te skryf, besin oor die doel van teater en vertel waarom Samsa-masjien hom so na aan die hart lê. Hy deel ook interessante feite wat hy ontdek het terwyl hy aan die stuk gewerk het.

Lees die onderhoud:

 

* * * * * * * *

 
Vat 5 met Willem Anker
 
5 dramatekste wat jou geïnspireer het om self te skryf

1. Aars! – Peter Verhelst

2. Hamletmachine – Heiner Müller

3. Marat/Sade – Peter Weiss

4. Kaspar – Peter Handke

5. Rockaby – Samuel Beckett
 
4 interessante dinge wat jy ontdek het terwyl jy aan Samsa-masjien gewerk het

1. ’n Kakkerlak was haarself ná sy aan ’n mens geraak het.

2. William Burroughs se ontdekking dat taal ’n virus is.

3. ’n Kakkerlak kan ’n week lank sonder sy kop oorleef.

4. John Cage se ontdekking dat ’n vragmotor wat verby ’n fabriek ry net so musikaal is as ’n vragmotor wat verby ’n musiekskool ry.
 
3 lesse wat mens uit die stuk kan leer

1. Teater wil ’n ritueel wees, nie ’n klaskamer nie (Teater wil versteur, nie bekeer nie). As iemand iets geleer het uit Samsa-masjien, het ek gefaal. As iemand iets beleef het, dan het ek geslaag.

2. Mens gaan ver soek vir beter en dapperder akteurs (Antoinette Kellermann, Gerben Kamper, Ilana Cilliers en Ludwig Binge).

3. Mens kan nooit genoeg luidsprekers hê nie.
 
2 redes waarom hierdie dramastuk jou na aan die hart lê

1. Ek, Jaco Bouwer (vervaardiger, regisseur, ontwerper) en Pierre-Herni Wicomb (komponis) het sedert 2010 gewerk om die stuk op ’n verhoog te kry (in 2014), so dit was spesiaal toe dit uiteindelik gebeur het.

2. Die teks is ’n mengelmoes van ’n klomp ander tekste wat soos pacemakers my hart help klop.
 
1 sentrale tema waarom alles draai

1. Miskien iets soos wat Bob Dylan gesê het: As jy nie besig is om gebore te word nie, is jy besig om te sterf.

 

* * * * * * * *

 
Lees ook:

 

Boekbesonderhede

 

Please register or log in to comment