Sunday Times Books LIVE Community Sign up

Login to Sunday Times Books LIVE

Forgotten password?

Forgotten your password?

Enter your username or email address and we'll send you reset instructions

Sunday Times Books LIVE

Protea Boekhuis

@ Sunday Times Books LIVE

Fielies se nuwe huisie – Sven Nordqvist se jongste kinderboek, vertaal deur Daniel Hugo

Fielies se nuwe huisieFielies se nuwe huisie deur Sven Nordqvist, na Afrikaans vertaal deur Daniel Hugo, is nou beskikbaar op Protea se rakke:

Fielies kan nie help om klokslag vieruur in die oggend wakker te word en op die bed te spring nie. Pettson raak baie kwaad as Fielies hom so vroeg wakker maak. Daarom besluit Fielies om uit te trek … Maar hoe lank sal die twee onafskeidbare vriende sonder mekaar kan uithou?

Nog boeke in Nordqvist se dierereeks oor Fielies en Pettson: Een minuut vir die haan, Pettson gaan kampeer, Klein Fielies raak weg, Die verjaardagkoek en Die jakkalsjag.

Oor die outeur en illustreerder

Sven Nordqvist is op 30 April 1946 in Helsingborg, Swede, gebore. Hy wou van die begin af ’n illustreerder word, maar verskeie kunsskole het hom afgekeur. Hy studeer toe argitektuur aan die Lund Instituut vir Tegnologie, waar hy ook ’n tyd lank as lektor in argitektuur gewerk het. In 1983 wen hy die eerste prys in ’n kinderboekkompetisie, en sedertdien is hy ’n voltydse skrywer en illustreerder van kinderboeke. Sy werk is al verskeie kere in Swede en Duitsland bekroon. Hy is baie bekend vir sy verhale oor die eksentrieke Pettson en sy pratende kat. In 1999 is dié verhale ook vir televisie verwerk.

Oor die vertaler

Daniel Hugo was ’n spesialisomroeper by Radiosondergrense en is steeds verantwoordelik vir die literêre program “Leeskring”. Hy is ’n gerekende digter met 13 poësiebundels op sy kerfstok. As vertaler het hy reeds die werke van oa Tom Lanoye, Rutger Kopland, Herman de Coninck, Harry Mulisch, Herman van Veen en Cecily Mary Barker in Afrikaans vertaal.

Boekbesonderhede

 

Please register or log in to comment