Patricia de Lille, die DA se burgemeesterskandidaat vir Kaapstad, is gister by ‘n Menseregtedagviering by die Athlone-stadion uitgejou toe sy haar toespraak gelewer het. Sy het ondanks die rumoer voortgegaan.

“Onstuitbaar. Onblusbaar.” Dít is hoe die onderhoud-koningin Hanlie Retief, wat nou ook ‘n bundel van haar onderhoude Hanlie Retief gesels met, die lig laat sien het, De Lille in Rapport beskryf. Retief het met haar oor die kandidaatskap, ras, haar kinderdae, familielewe, verhouding met Helen Zille, vakbond-agtergrond en die wapenskandaal gesels:

Hierdie Ystervrou, taai klein tannie met rooi toonnaels, wat al soveel politieke windmeulens bestorm het, wat nie net die nuus haal nie, maar nuus maak – sý was oorstelp met haar benoeming as die DA se burgemeesterskandidaat vir Kaapstad.

“Dis ’n oomblik wat ek nooit sal vergeet nie.”

Dadelik het De Lille gedink: Hier’s jou kans met ’n stad waar álmal voel hulle behoort, waar die verdeeldheid van die verlede deel is van die verlede.

En toe stamel sy deur haar voorbereide toespraak…

• Lees die volledige onderhoud in Rapport

Boekbesonderhede

• Hanlie Retief gesels met deur Hanlie Retief
  EAN: 9781869194307
  Find this book with BOOK Finder!

Foto te danke aan Carolyn Meads

Cosatu het besluit om Tony Ehrenreich as burgemeesterskandidaat vir die ANC in die Wes-Kaap te benoem, vermoedelik om die “bruin stem” te “paai”, ná kabinetswoordvoerder Jimmy Manyi se omstrede uitsprake oor bruin mense in die Wes-Kaap.

Hanlie Retief het met Ehrenreich in Cosatu se kantore in Soutrivier gaan gesels en hom oor Manyi, die ANC, sy herstel van maagkanker en sy kinderdae uitgevra.

(Nóg onderhoude deur Retief is in die bundel Hanlie Retief gesels met versamel.)

Die burgemeestersketting oor ’n rooi T-hemp?

Néwwer, protesteer Tony Ehrenreich, Cosatu se kandidaat vir Kaapse burgemeester. Jis, ou, dit laat hom sommer gril!
“Nooit kry jy vir Tony Ehrenreich in fênsie Armani-suits, opgedollie in die blink ketting nie. In fact, ek sal seker die enigste burgemeester wees wat werk toe kom in rooi T-hemde.”

Suits en funny procedural stuff doen niks vir die armes nie, maak dié Wes-Kaapse sekretaris van Cosatu stempraatjies. “Ons moet fokus op dienslewering, korrupte mense afdank en die wérk gedoen kry.”

• Lees die volledige onderhoud in Rapport

Boekbesonderhede

• Hanlie Retief gesels met deur Hanlie Retief
  EAN: 9781869194307
  Find this book with BOOK Finder!

Foto te danke aan IOL News