Sunday Times Books LIVE Community Sign up

Login to Sunday Times Books LIVE

Forgotten password?

Forgotten your password?

Enter your username or email address and we'll send you reset instructions

Sunday Times Books LIVE

Protea Boekhuis

@ Sunday Times Books LIVE

Archive for the ‘Humour’ Category

Padda leer dat dit beter is om net homself te wees in Max Velthuijs se prenteboek, Padda is Padda

Padda is PaddaPadda is Padda deur Max Velthuijs is nou by Protea Boekhuis beskikbaar:

Padda voel nutteloos, want hy kan nie vlieg soos Eend nie en hy het ook nie ʼn talent vir goeters maak soos Rot nie. Hy wens hy kan koekbak soos Vark, of so vlot lees soos Haas. Maar dan besef Padda dat hy uniek, spesiaal en talentvol op sy eie manier is – hy is pragtig en groen, en kan beter swem en spring as enigiemand anders!

Padda is Padda is ʼn storie vol pret en pragtige illustrasies, maar bevat ook ʼn lewensles. Die storie verduidelik dat elke kind uniek is en oor sy eie talente beskik – dit maak hom nie beter of slegter as ʼn ander kind nie. En almal is lief vir Padda net soos hy is! Padda leer dat dit die beste is om net homself te wees.

Oor die outeur en illustreerder

Max Velthuijs (1923-2005) was ‘n Nederlandse skilder, illustreerder en skrywer. In 2004 ontvang hy die Hans Christian Andersen-medalje vir sy “blywende bydrae tot kinderliteratuur”. Velthuijs is die beste bekend vir die Padda-prenteboeke. Die eerste was Frog in Love, in 1989 deur Andersen Press gepubliseer, wat internasionale erkenning verkry het.

“Die stories van Padda en sy diverse groep vriende beeld uit dat die lewe moeilik kan wees, maar op die ou end is dit goed en daar is troos: Moenie opgee nie en moenie geloof verloor nie, want jy is sterker as wat jy dink, en jy is nie alleen nie.”

Boekbesonderhede


» read article

Philip de Vos oor sy nuwe radioreeks: “Op die ou end is Schubert sy musiek – en sy musiek is Schubert”

Kop op ’n blokKris de KatRower RotZokStokman

 
Philip de Vos se jongste radioreeks, oor die Oostenrykse komponis Franz Schubert, het hierdie maand op RSG begin speel en word elke Sondag tussen 10:00 en 11:00 uitgesaai.

De Vos het met Netwerk24 se Willem de Vries gesels oor sy jongste musiekprogram waarin die luisteraars saam met hom die lewe en werk van Schubert kan ontdek. Hy het vroeër ook reekse oor Mozart en Tsjaikowski aangebied.

Lees die artikel:

Jare gelede reeds het Philip de Vos, samesteller van die reeks, Otto Deutsch se lywige boek van meer as duisend bladsye, Schubert – A Documentary Biography, aangeskaf.

Net sowat 70 van Schubert se briewe het bewaar gebly vergeleke met die honderde van Mozart en duisende van Tsjaikowski. De Vos het gedink dit sou dus byna onmoontlik wees om Schubert as mens vas te vang.

Boekbesonderhede


» read article

Uittreksel uit Rooikappie deur Philip de Vos: “Want die liefde is nie altyd alte mooi”

Philip de Vos is ’n bekende skrywer, digter en vertaler. Sy nie-fiksie boek oor bekende figure in die kunstewêreld, Kop op ’n blok, het in 2012 by Protea Boekhuis verskyn.

De Vos het al vele kinderboeke na Afrikaans vertaal, onder andere Julia Donaldson se Stokman, Zok, Rower Rot en Kris de Kat.

Kop op \'n blokStokmanZokRower RotKris de Kat

 

Die Pos het ’n uittreksel gedeel uit De Vos se weergawe van die gewilde sprokie, Rooikappie – waar ontnugtering seëvier en die wolf ook as ‘n padvark bekend staan.

Lees die uittreksel:

Jy wou nog sê: “…Wees nés Rooikappie, Luister áltyd na jou pappie…”

Jy wou nog op pad huis toe vir die laaste keer melkskommel by die Wimpy gaan drink, maar sy was skielik groot en die Wimpy alte goor.

Jy het ’n piekniekmandjie gepak, haar na die bose stad gevat en toe jy opkyk staan sy met Hendrik Janse van der Colff in jou deur.

Jy vra: “Hoekom is jou oë so rooi?” Sy antwoord en trek haar gesig op ’n plooi: “Want die liefde is nie altyd alte mooi”.”

Boekbesonderhede


» read article

Wen een van vyf boeke, insluitend Van Manenberg met liefde en Verdriet se moses

Van Manenberg met liefdeLillie die heksie en die raaisel van die mummieTant Bettie se broekie AvontuurlandVerdriet se moses

 
Bloem Nuus het onlangs ’n kompetisie geloods waarin een gelukkige leser een van vyf boeke, uitgegee deur Protea Boekhuis, kan wen.

Die vyf boeke sluit in: Van Manenberg met liefde deur Mike Michaels, Lillie die heksie en die raaisel van die mummie deur KNISTER en vertaal deur Amelia de Vaal, Tant Bettie se broekie deur Kara Lebihan en vertaal deur Shané Kleyn, Avontuurland deur Helena JF Lochner en Chris Venter en Verdriet se moses deur Helm Jooste.

Die kompetisie sluit op Vrydag, 10 Oktober 2014 en lesers kan registreer op Bloem Nuus se webtuiste om deel te neem.

Boekbesonderhede


» read article

Uittreksel: “Die pienk doek” uit Verdriet se moses deur Helm Jooste

Verdriet se mosesMet Verdriet se moses neem Helm Jooste sy lesers op ʼn nostalgiese reis na daardie Suidwes: ’n Plek waar vrinne mekaar help om verdriet af te skud, waar elke kuier eers met ‘n laaste kleine Kleine afgerond moet word, en jeugdige joligheid ’n mens jare later nog kan laat skater.

Hierdie keur verhale oor die ou Suidwes en sy sout-van-die-aarde-karakters word aangevul deur Fred Mouton se unieke illustrasies.

Hieronder volg een van die stories uit hierdie bundel, getiteld “Die pienk doek”:

* * * * * * *

Die pienk doek

Dis goed veertig jaar gelede.

Ons woon nog op Otjiwarongo. Dis vakansie en die kinders is by die huis. Jan is ’n mannetjie van neëntien en Irene ’n meisiekind van om en by vyftien. Sy’s nog by ons op die dorp in die skool, maar hy’s ’n eerstejaar op Stellenbosch en verskriklik ingestel op wat korrek is. Sy ma se rokke is glo oudmodies en my Afrikaans geradbraak.

Een naweek ry ek en Jan en sy ma plaas toe. Ek boer toe nog op Aroma en is besig om daar te boor vir vars water. Irene kuier by ’n maatjie.

Ons ry met ’n bakkie. Toe ons op die plaas aankom en net ná ons koffie gedrink het, sê ek vir Jan: “Kom ons gaan kyk hoe vorder die boordery.”
“Ek gaan saam,” sê sy ma.
Ek bestuur. Ons sit al drie voor in die bakkie. Ek ry stadig al op die boor- en enkele motorspore.

Die polgras staan geil en die bos is plek-plek dig. Ek ry stadig en Jan hou die 30.06 gereed ingeval ’n koedoe ons dalk verras.

“Julle het nog nie die boorman gesien nie, nè?” vra ek.
Nee, hulle het nie.
“Wel, hy’s die grootste, vetste stuk mensvleis wat ek nog ooit teëgekom het.”
“Hoe kan hy dan die boor hanteer?” vra Joey.
“Hy’s glo ’n uitstekende boorman en volgens wat Jan de Klerk vertel, ook baie, baie vinnig op sy voete. Met die boeredag onlangs het hy die jongmanne glo disnis gehardloop,” vertel ek
verder. “In stede van te sê ‘baie, baie vinnig op sy voete’ kan Pa Verdriet gerus die woord ‘blitsig’ gebruik. Hy’s blitsig op sy voete,” help Jan my reg.
Ek laat hom maar begaan.

Ons is later digby die boor. Ek kan sy egalige gestamp duidelik hoor. Swarthaak en rosyntjie belemmer ons uitsig. Die enkele groot basterkamele en appelblaar ook.

Skielik roep Joey opgewonde uit: “Watse pienk lap hang daar onderaan daardie boom?” en sy wys na ’n appelblaar so honderd tree regs voor ons.
“Dis g’n pienk lap nie, Ma!” kom dit hewig ontsteld van Jan.
“Maak toe jou oë! Dis ’n kaal, vet man wat daar sit! Daar hang sy overall aan die boom langs hom!”
Dis net toe dat “die pienk lap” skielik onraad merk en opvlieg, sy overall gryp en koers kies … In blote verwarring eers reg op ons af, en toe hy die motor gewaar, soos blits, reg weg van ons af, in volle vaart oor pol en bos. Jy moes hom sien! ’n Kaal, voortvlieënde, pienk kolos … soos ’n oerdier die digte bosse in.

Ek smyt amper die bakkie om soos ek lag. Maar Jan is die duiwel in vir sy ma:
“Dis oor jy ook altyd wil saamry met ons mans! Nes ’n wiel draai, wil jy ry. Sien jy nou wat gebeur met al jou saamryery!”

En sommer vir my ook: “Dis glad nie snaaks nie, Pa! Kom ons ry huis toe! Ek skaam nog vandag my oë uit my kop uit vir julle!”

Boekbesonderhede


» read article

Kom luister na Philip de Vos tydens vanjaar se De Malle BoekBazaar in Philadelphia

Kop op \'n blokDit is weer tyd vir die jaarlikse De Malle Boekbazaar op Philiadelphia! Die geleentheid vind op Vrouedag, 9 Augustus, by De Malle Meul plaas.

Philip de Vos sal om 13:30 in De Malle Meul Kapel oor sy doen en late gesels. Kaartjies kos R60.

Kom geniet die dag in hierdie gesellige plattelandse dorpie!
 
Besonderhede

Boekbesonderhede


» read article

Vervloë dae en sout-van-die-aarde-karakters verwoord in Verdriet se moses deur Helm Jooste

Verdriet se mosesVerdriet se moses deur Helm Jooste, met illustrasies deur Fred Mouton, is nou beskikbaar by Protea Boekhuis:

Verlang jy ook soms, soos ou Suidwesters, na vervloë dae se kerkbasaars, geselsies maak met sout-van-die-aarde-karakters of night caps in die Nord Hotel se kroeg? Dink jy ook met heimwee terug aan karavaanvakansies, Etosha se kilometers bos- en vlaktewêreld en ure se gesels om die braaivleisvuur?

Met Verdriet se moses neem Helm Jooste sy lesers op ʼn nostalgiese reis na daardie Suidwes: ’n Plek waar vrinne mekaar help om verdriet af te skud, waar elke kuier eers met ‘n laaste kleine Kleine afgerond moet word, en jeugdige joligheid ’n mens jare later nog kan laat skater. Lees hoe ’n misleidende ontmoeting met ’n loskop net die regte medisyne vir ’n ontspoorde wewenaar geword het, hoe ’n weerbarstige motortoeter byna tot moord gelei het en hoe vier gestrande manne maak as ’n hotel ontydig tjokkenblok vol is.

Verdriet se moses volg op Helm Jooste se eerste twee boeke: Daar doer in Duitswes (1989) en Dinge daar doer (1992), waarmee hy verwelkom is as “bobaasverteller oor die ou dae in Namibië”. Verskeie humoristiese vertellinge van Helm Jooste word in hierdie boekie saamgevat. Meeste van die vertellinge handel oor die ou Suidwes.

Oor die outeur

Helm Jooste is op 23 Oktober 1909 op Bethal gebore waar hy in 1928 aan die Hoërskool Hoogenhout gematrikuleer het. Ná voltooiing van sy skoolopleiding het hy aan die Heidelberg Onderwyskollege gestudeer. Hierna het hy hom in die destydse Suidwes gevestig waar hy meer as 50 jaar gewoon het. Hy het 25 jaar lank onderwys gegee, was 15 jaar ‘n sakeman op Otjiwarongo, waar hy ook etlike jare burgemeester was, en het tien jaar lank met beeste naby Grootfontein geboer. Sedert sy aftrede in 1980 woon hy in die Strand. Hy het Daar doer in Duitswes op die ouderdom van 80 jaar geskryf en dit word opgevolg deur Dinge daar doer en Verdriet se moses. Audrey Blignault noem die skrywer “Die bobaas-verteller van Suidwes”. Helm is ʼn paar jaar gelede oorlede.

Die boek getuig van sy heerlike humor en sy onfeilbare aanvoeling vir die komieklike situasie in die gewone gang van die menslike bestaan. Die leser sal lag, maar ook huil, want Helm Jooste se verhale is gevul met deernis.

Oor die illustreerder

Die Burger het, vanaf sy stigting in 1915, net drie voltydse daaglikse spotprenttekenaars gehad; al drie van hulle reuse van Suid-Afrikaanse spotprente . Die groot Daniel Boonzaier het mettertyd spasie gemaak vir TO Honiball, en in 1972 het Fred Mouton ook by hulle aangesluit. Fred het in 1976 die posisie oorgeneem en behou dit sedertdien.

Fred het ook bygedra tot redaksionele spotprente in Beeld en Rapport en doen illustrasies en spotprente vir ‘n verskeidenheid van boeke en tydskrifte. Hy is ‘n ontvanger van die Standard Bank Spotprenttekenaar van die Jaar-toekenning (1983) en in 2000 is die PJ Cillié-medalje vir kreatiwiteit in die joernalistiek aan hom toegeken. Fred het drie versamelings van sy werk gepubliseer, die mees onlangse Van Zuma tot Zille (2009), en sy werk het verskyn onder die land se beste in The Year in Cartoons-versamelings vir 2009 en 2010.

Boekbesonderhede


» read article

Daniel Hugo: Op 75 hou Philip de Vos Afrikaans vonkelend jonk

Kop op \'n blokDie roebaijat van Omar KhajjamPhilip de Vos het op 16 Junie, vir Suid-Afrikaners bekend as Jeugdag, 75 jaar oud geword.

Daniel Hugo het ‘n huldeblyk aan De Vos geskryf waarin hy hom vereer vir sy ewige jeugdelikheid: “Al is De Vos ook hoe veelsydig as kinder- en jeugboekskrywer, limeriekmaker, vertaler, sanger en fotograaf (van bekendes in die kunstewêreld), neem hy homself nie te ernstig op nie. Maar daar is duisende ­ernstige lesers wie se lewens deur sy boeke verryk is. En op 75 hou hy die Afrikaanse letterkunde steeds vonkelend jonk.”

Lees die volledige artikel:

16 Junie is Jeugdag, en ’n meer gepaste verjaardag kan daar nie vir Philip de Vos, die ewig jeugdige, wees nie.

Hy het ’n reuse-bydrae tot die Afrikaanse letterkunde gemaak, deurdat hy ’n broodnodige speelsheid en sprankel daaraan gegee het in ’n tyd toe die meeste skrywers diep gewroeg het oor die land en die lewe. Dit was die era van gekwelde ­geskrifte oor die grensoorlog en gay-wees.

Boekbesonderhede


» read article

Philip de Vos deel foto’s wat hy oor die jare van Hennie Aucamp geneem het

Kop op \'n blok“In Hennie se teenwoordigheid het ek eintlik ‘n bietjie dom gevoel en het altyd gedink hy is veels te slim vir my. En dit is miskien die rede waarom ek nie skrywersvriende het nie. Ek is altyd bang hulle gaan my slim vrae vra wat ek nie verstaan nie. Vir Hennie onthou ek daarom eintlik maar net uit die foto’s wat ek oor die jare geneem het.”

Só skryf Philip de Vos in sy jongste blog-inskrywing op Versindaba oor ‘n gesprek wat hy onlangs met Joan Hambidge oor Hennie Aucamp gehad het. Hy deel ook vyf foto’s wat hy oor die jare van die ontslape Aucamp geneem het:

 

Boekbesonderhede


» read article

Philip de Vos: “Alles wat ek doen, is speel”

 

“Alles wat ek doen, is speel.” Só het Philip de Vos onlangs in ‘n onderhoud aan Nelia Richter gesê toe sy by hom gaan aanklop het om te hoor hoe dit deesdae met hom gaan en waarmee hy homself so jonk en besig hou. De Vos verjaar op 16 Junie en word dan 75 jaar oud. “Ek neem myself nie te ernstig op nie. Ek hoop ook ek laat mense lag, hoewel ek myself nie altyd kan laat lag nie.”

Vincent van GoggaMallemeulemanWolfgang Amadeus MuisBelladonna, Prima DonnaKop op \'n blok

 
De Vos gesels skertsend oor sy groot oeuvre – wat onder meer liedtekste, foto’s, verse, vertalings en radioprogramme insluit – en die dinge wat sy hart gesonder laat klop. Hy noem dat hy so lank as wat hy kan nog wil aanhou skryf en foto’s neem: “Ek moet aanhou. Jy kan nie net sit en wag vir die dood nie.”

Op sy publikasielys staan 25 boeke, sowat 50 rymvertalings en twee radioreekse oor komponiste, en verse wat hy vir klassieke musiekwerke soos Pieter en die wolf, Saint-Saëns se Karnaval van die diere, Moessorgski se Prente by ’n uitstalling en Robert Schumann se Tonele uit kindertyd geskryf het – nie sleg vir iemand wie se eerste boek op 45 verskyn het nie.

Oor die stewige handvol pryse, onder meer die Eugène Marais- en M.E.R.-pryse, asook ’n internasionale Ibby-prys vir Die spree met foete, ’n vertaling van Annie M.G. Schmidt se versies, staan hy nie graag stil nie. “Ag, dis nie vreeslik belangrik nie,” verander hy vinnig die onderwerp.

Boekbesonderhede


» read article