Sunday Times Books LIVE Community Sign up

Login to Sunday Times Books LIVE

Forgotten password?

Forgotten your password?

Enter your username or email address and we'll send you reset instructions

Sunday Times Books LIVE

Protea Boekhuis

@ Sunday Times Books LIVE

Archive for the ‘Short stories’ Category

“Dot Serfontein kán stories vertel!” – Marlies Taljard oor die kortverhaalbundel, Vertel! Vertel!

Vertel! Vertel!Die heruitgawe van Dot Serfontein se kortverhaalbundel, Vertel! Vertel!, het in 2013 by Protea Boekhuis verskyn. Dié versameling stories gaan oor alles van die liefde tot siekte, delwery en dagga.

Marlies Taljard skryf in jongste uitgawe van Literator dat Vertel! Vertel! beslis aanklank sal vind “by lesers wat agter ‘n goeie storie aanlees, want dit moet gesê word: Dot Serfontein kán stories vertel!”

Taljard vertel verder ook meer oor Serfontein se vertelstyl, vertellings wat aansluit by die orale tradisie en karakters wat worstel met hul middelklasbestaan.

Lees die artikel:

Soos altyd is Dot Serfontein herkenbaar aan die vertelstyl van ‘n gesoute joernalis wat in kleurryke taal aan die woord is. Haar taalgebruik is robuust en pittig, dog met die vermoë om te ontroer en selfs om epifaniese oomblikke uit te beeld, soos wanneer die verteller in die verhaal ‘Jood’ vertel hoe hy op gevorderde ouderdom die eerste keer ware liefde leer ken het:

Besef jy, mens, dat daar iets soos ‘n vuur deur my trek, iets van die braambos op die berg, iets van die bloedlaat van offerdiere, iets van die geblêr van ‘n ramshoring. Of, wie weet, die oer-influisteringe van afgode, die swartmag van Astarte onder die groen bome. (bl. 190)

Boekbesonderhede


» read article

Wie was Doc Immelman en wat het sy stories vir Namibië beteken? Oud-uitgewer Danie Botha vertel

Die groot sand en ander storiesBaarde, briewe en barmhartigheid\'n Kwartmiljoen MauserpatroneDie wrede somerVyf Waens na San Pedro

 
Oud-uitgewer Danie Botha het verlede maand ’n brief aan DEKAT Boekeblad gestuur waarin hy ‘n oorsig gebied het van Doc Immelman se lewe en sy stories.

In die brief skryf Botha: “Ek vertel graag van ’n aangename leeservaring. Dis van wyle Doc Immelman se dertien kortverhale in Die groot sand en ander stories, in 2014 gepubliseer deur Protea Boekhuis.”

Botha vertel ook van ‘n reistog na Namibië wat hy in 1983 as boekeredakteur aangepak het. Hy het Immelman daar in ’n “somber kantoor in die Windhoekse poskantoor aangetref”.

Lees die brief wat DEKAT Boekeblad op hul Facebook-bladsy gedeel het:

In Die groot sand en ander stories is dit dadelik opvallend hoe Immelman die landstreek en sy mense deeglik ken en stemmingsvol kan beskrywe. Hy haal Duitse en Ovambo-woorde aan. Of dui aan wat deel is van die Ovambo- of Herero-kultuur. In “Die eretoordokter” kry ons bv. die seremoniële Ovambo-groet: “Jy bly nog goed op hierdie plek, Ouma?”

“Die groot sand” is ’n spannende oorlewingsverhaal van ’n tweemanskap wat diamante onwettig gaan soek in die Sperr-gebied. Dis ’n “wrede, gevoellose wêreld van sand en son en dors. Baie het al die Sperr ingegaan. ’n Paar van hulle het uitgekom. Party skatryk; ander gebroke en waansinnig.” Dit word ’n spanningsverhaal deur die bedreiging van die natuur, maar ook deur wraak- en moordgedagtes by een van die stappers. Hy weet daar’s net genoeg water in die waterkantien vir één oor. Die verhaal het ‘n sterk dramatiese slot

Boekbesonderhede


» read article

A Gallery of Pictures of Doc Immelman, Writer and Poet

Die groot sand en ander storiesBaarde, briewe en barmhartigheid\'n Kwartmiljoen Mauserpatrone

 
Doc Immelman is the author of Die groot sand en ander stories and many more adventure stories set in Namibia and South Africa.

As a tribute to their father, Lorraine Immelman and Yvette Muldoon have compiled the story of his life along with some of his writing and photographs.

The website’s gallery contains images from Immelman’s childhood in the Cape and significant moments in his life as a writer and poet. The pictures give an idea of his important influences and proof of a good life well lived.

View the gallery:

 

Book details


» read article

Suid-Afrikaners is kwaad, maar woede sê “ons gee nog om” – Cas Wepener

Dubbelfoto“Dit is tans nie moontlik om ’n koerant sonder artikels oor woede daarin oop te maak nie.”

Só skryf Cas Wepener in ‘n rubriek vir Netwerk24 waarin hy besin oor hierdie woede en vra, “Hoekom is die mense van ons land so kwaad?”.

Wepener – teologie-dosent en outeur van Dubbelfoto, ‘n kortverhaal bundel wat in 2014 op die kortlys vir die Universiteit van Johannesburg se Debuutprys verskyn het – doen ‘n beroep op mense om op produktiewe, konstruktiewe wyses op hul woede te reageer en sê dat dít ons land se sake kan aanhelp.

Lees die artikel:

Met mense wat apaties staan, is daar min of niks salf aan te smeer nie, maar mense wat nog kwaad is, gee nog om, daardie verhouding kan nog, al gaan dit werk verg, wel gered word. Die woedende mense van Suid-Afrika gee nog om, hulle is nie besig met ’n doodsonde nie, maar besig om ’n godgeskape emosie te beliggaam en daarmee te sê: Ons is (nog) nie apaties oor wat hier aangaan nie.

Boekbesonderhede


» read article

Read “Mrs Obama’s Garden” and “A Silver Spoon” – Two Short Stories by Karina M Szczurek

Invisible OthersKarina M Szczurek is a writer of short stories, book reviews, tweets, essays, and poetry. Originally from Poland – and after having lived in Austria, USA and Wales – Szczurek settled in Cape Town, South Africa ten years ago.

Her first novel, Invisible Others, is set against the stark beauty of contemporary Paris and tells a story of loss, intimacy, and the inability to communicate despite best intentions. This provocative, sensual and fiercely honest novel was included in the longlist for the 2015 Sunday Times Barry Ronge Fiction Prize.

Read two excerpts from Invisible Others for a taste of Szczurek’s long-form fiction writing:

Earlier this year Szczurek shared two short stories on her blog which she had originally written for By. Both stories are set around Christmas, but that does not mean you can’t read them in June!

Snuggle up and enjoy “Mrs Obama’s Garden” and “A Silver Spoon”:

Mrs Obama’s Garden

‘Rubbish!’ Nkosi spat out. Drunk, he stood before Zuki with crumpled Christmas gift paper piling around his naked feet. He tossed the last of the presents, still partly wrapped, across the room. ‘Rich people’s rubbish,’ he hissed and fell back on his bed. A few seconds later he began to snore.

Zuki surveyed the scene before her. Nkosi had just come back from one of his ‘trips to town’, as he and his buddies called their looting excursions to the affluent suburbs of the city.

A Silver Spoon

Sanna never liked polishing the silver. She would have preferred to iron the white damask tablecloth the new Mrs Joubert brought over from home. She told Sanna her mother had given it to her as a parting present. Sanna listens to the huffs and puffs of the iron in the next room. She puts aside the last spoon and continues with the forks. Forks are tricky. You have to work the cloth carefully around the tines; the task is too much for her impatient chubby fingers. She takes a deep breath, trying to keep her cool. A cinnamony smell penetrates her nostrils. She looks at the big pot of stewing dried fruit, bubbling happily on the stove. It could also be the half-moon cookies Missus has put in the oven.

Book details


» read article

Hulde aan Dot Serfontein op haar 90ste verjaarsdag: ’n Oorsig van ’n wye skrywerslewe

Dot Serfontein is vandag negentig jaar gelede op Kroonstad gebore. Netwerk24 se Leana Lategan het ter ere van die skrywer se verjaarsdag bestek geneem van haar omvangryke oeuvre en haar lang loopbaan as redakteur van Die Volksblad en kortverhaalskrywer vir Sarie Marais.

Water op MispahLiefde in die kwepertydVertel! Vertel!Amper my mense

 
Serfontein se liefdesverhaal, Water op Mispah, is pas weer deur Protea Boekhuis uitgegee en die heruitgawe van Liefde in die kwepertyd het verlede jaar verskyn.

Lategan deel Serfontein se woorde aan haar digter- en aktivisdogter, Antjie Krog, oor die waarde van Afrikaans as skryftaal: “Jy wou dit gebruik so goed jy kan om jouself en ander Afrikaners van armoede en ellende te red.”

Lees die artikel vir meer oor Serfontein se skrywerslewe en Krog se beskrywing van haar ma se styl:

Die belangrikste kenmerk van haar styl is die weersin in oordadigheid. ’n Soberheid bly, sy dit in ’n humoristiese of tragiese situasie.

“Van die karakters wat my ma beskrywe, het ek self geken, van die ervaringe self meegemaak, en besef daarom juis dat dit selde voorval of figuur self is wat gehelp formuleer het aan die onvergeetlike beskrywing, maar ’n ontspanne dog meesterlike greep op taal en styl. Die regte woord presies op daardie plek in ’n sin geplaas.”

Antjie, self ’n geslypte woordkunstenaar, vat in hierdie paar sinne die wesenskenmerke van haar ma se skryfwerk vas.

Boekbesonderhede


» read article

Potgooi: Johan Nell lees ’n verhaal uit Die groot sand en ander stories deur Doc Immelman

Die groot sand en ander storiesJohan Nell het onlangs ‘n kortverhaal uit Die groot sand en ander stories deur Doc Immelman voorgelees op RSG se kortverhaalprogram, Kortom.

Hierdie bundel bied aan lesers die geleentheid om verhale te lees wat destyds onder meer in Ster, Die Brandwag, Republikein en Huisgenoot verskyn het.

Die storie wat Nell voorlees, getiteld “Belofte aan ‘n kameraad”, vertel van Groot George Kitching se begrafnis op Tsumeb, ‘n vriend van die hoofkarakter se oom Jan, en ontbloot die menslike emosie en karakter tot op die been.

Luister na die voorlesing:

Boekbesonderhede


» read article

Potgooi: Chris van Niekerk lees ’n kortverhaal deur Doc Immelman uit Die groot sand en ander stories

Die groot sand en ander storiesChris van Niekerk het onlangs ’n kortverhaal deur Doc Immelman op RSG se Kortom-program voorgelees.

Die verhaal se naam is “Die vul wat treine gejaag het” en het destyds in Die Brandwag verskyn. Die kortverhaal is opnuut opgevang in die bundel Die groot sand en ander stories wat verlede jaar by Protea Boekhuis verskyn het.

Die storie word vertel deur drie perde – ’n ou hings, ’n merrie en ’n vulletjie – wat te pieperig voorkom na die hings en die boer se smaak. Die vul jaag treine en spring oor pale en wanneer hy op ’n dag ’n resiesperd ontmoet is sy pa briesend, want daar is geen groter niksnut as ’n perd wat nie ’n ploeg of ’n wa kan trek nie.

Luister na die potgooi:

Boekbesonderhede


» read article

Wicus Luwes illustreer hoe die vertaling van “Die luisteraars” deur Ilse van Staden die gedig vernuwe

In a Burning SeaWicus Luwes het onlangs ’n gedig deur Ilse van Staden op Versindaba gedeel in sy bespreking van astrologie, astronomie en ander plekhouers wat ons help om betekenis te genereer.

Luwes deel Van Staden se gedig “Die luisteraars” uit In a Burning Sea: Contemporary Afrikaans poetry in translation en die Engelse vertaling deur Charl JF Cilliers, “The Listeners”.

“Daar is lyne tussen dieselfde gedig in ’n ander taal en miskien maak dit die gedig nuut vir jou oë, hart en verstand,” skryf hy.

Lees die gedig en die vertaling daarvan:

Die luisteraars
deur Ilse van Staden

Daar is dié wat selfs na sterre luister
sonder om te hoor
en van “son” en “lig” nooit weet nie,
wat doof bly vir betekenis.

Altyd huiwer hulle en staan
in hulself en prewel oor woorde
of die skaduwees van woorde wat langsaam
deur vensters hulle wete binnesif,
drywend ongedefinieer soos stof in sonlig,
soos sonlig self wat deining én deeltjies is.

Dan druk hulle met hande
of die skaduwees van hande behoedsaam
teen ’n deur se geslote swygsaamheid
en prewel sonder om te vra,
wag net verwonderd tot in ewigheid:

dat God die wêreld deur ’n woord kon maak.

Boekbesonderhede


» read article

Potgooi: Chris van Niekerk lees Doc Immelman se kortverhaal, “Die groot sand”

Die groot sand en ander storiesDie bekende akteur Chris van Niekerk het onlangs die titelverhaal van Doc Immelman se versamelbundel, Die groot sand en ander stories, op RSG se Kortom-program voorgelees.

“Die groot sand” het in 1955 in die Huisgenoot verskyn, en Margot Luyt sê ter inleiding: “Ek moet sê dit het nie verouder nie, dit lees heerlik.”

Die verhaal handel oor twee diamantsmokkelaars wat sand en son in die dorre Namibwoestyn trotseer om hul buit “agter die groot sand” te gaan haal. Immelman beskryf die son as “wit en hard en skroeiend” en selfs die skaduwee is bedompig. Die twee mans eet beskuit en soutvleis en probeer om minder te rook om die dors te keer, maar wat gebeur wanneer die water opraak?

Luister na die voorlesing:

Boekbesonderhede


» read article