Sunday Times Books LIVE Community Sign up

Login to Sunday Times Books LIVE

Forgotten password?

Forgotten your password?

Enter your username or email address and we'll send you reset instructions

Sunday Times Books LIVE

Protea Boekhuis

@ Sunday Times Books LIVE

Archive for the ‘South Africa’ Category

Asterix, Obelix en Kasterolix is terug in twee opwindende nuwe titels! Wat voer die Romeine dié keer in die mou?


 
 
 
 
 
 
 
 
 
 
 
 
 
 
 
 
 
 
 
 
 
 
 
 
Asterix en die groot moles
Outeur: René Goscinny
Illustreerder: Albert Uderzo
Vertaler: Sonya van Schalkwyk-Barrois

Julius Caesar wend hom tot sielkundige oorlogvoering … Ignasius Vullus, die Romeinse agent, maak moeilikheid en onder die Galliërs en probeer hulle beïnvloed om mekaar van verraad te verdink. Het Asterix regtig die geheim van die towerdrankie aan die Romeine verkoop? Sal Asterix, Obelix en Kasterolix die glibberige Ignasius Vullus kan uitoorlê en vrede in die dorpie herstel?

Asterix en die groot moles is die 15de boek in die gewilde Asterix-reeks.

Asterix in Helvesië
Outeur: René Goscinny
Illustreerder: Albert Uderzo
Vertaler: Sonya van Schalkwyk-Barrois

Quaestor Claudius Sinusitus is op die punt om die Romeinse goewerneur Oppus Dissevirus se duistere geldsake aan die lig te bring, maar hy word vergiftig. Sinusitus roep Kasterolix se hulp in en Asterix en Obelix moet na Helvesië reis om ’n skaars blom te gaan pluk wat Sinusitus se lewe sal red. Bankkluise, koekkoekuurglase, ’n gejodel en gate in die kaas sorg dat Asterix en Obelix die kultuur in Helvesië ten volle beleef.

Asterix in Helvesië is die 16de boek in die gewilde Asterix-reeks.

Sonya van Schalkwyk-Barrois woon in Parys, Frankryk. Sy het in Stellenbosh gestudeer en beskik oor ’n Magistergraad in Frans. Sy is onder meer die vertaler van die Kuifie-boeke.
 

Boekbesonderhede


» read article

Dié boek lewer ’n bydrae om die weerstand van gay en lesbiese persone verstaanbaar te maak vir mense wat sukkel om dit te begryp

In Oktober 2015 het die Algemene Sinode van die NG Kerk ’n merkwaardige besluit oor selfdegeslagverhoudings geneem.

Die besluit het erkenning gegee aan sulke verhoudings en dit vir predikante moontlik gemaak om gay en lesbiese persone in die eg te verbind. Ook die selibaatsvereiste wat tot op daardie stadium vir gay predikante gegeld het, is opgehef.

Met hierdie besluit het die NG Kerk die eerste hoofstroomkerk in Suid-Afrika en Afrika geword wat totale gelykwaardige menswaardige behandeling van alle mense, ongeag seksuele oriëntasie, erken – en is gedoen wat slegs in ’n handjievol kerke wêreldwyd uitgevoer is.

Die besluit het egter gelei tot groot konsternasie. Verskeie appèlle en beswaargeskrifte is ingedien, distriksinodes het hulle van die besluit distansieer, en in die media was daar volgehoue kritiek en debat.

Die besluite wat geneem is in 2015 is die kulminasie van ’n lang proses wat reeds in die 1980’s begin het.

Die boek Weerlose weerstand is ’n persoonlike relaas van dié lang, komplekse proses in die NG kerk. Die verskillende verslae wat voor die sinodes gedien het, die besluite wat daaruit voortgevloei het en die stories daaragter word uit ’n persoonlike perspektief behandel.

Die boek lewer ’n bydrae om die weerstand van gay en lesbiese persone verstaanbaar te maak vir mense wat sukkel om dit te begryp.

OOR DIE OUTEUR

André Bartlett is hoof van Excelsus, die Sentrum vir Bedieningsontwikkeling by die Universiteit van Pretoria.

Hy was voorheen predikant van die NG Kerk in Pretoria, Potchefstroom en Johannesburg.

Sedert 1999 is hy amptelik betrokke by die gesprek in die NG Kerk oor homoseksualiteit. Hy is voorsitter van die Suid-Afrikaanse Raad van Kerke in Gauteng en ook ’n lid van die Nasionale Uitvoerende Komitee van dié organisasie.

Boekbesonderhede


» read article

El negro en ek – ’n Nederlandse man se ondersoeksreis wat belangrike vrae oor rasopvattings en die Westerse beskawing na vore bring

As negentienjarige ryloper in Spanje beland Frank Westerman toevallig in die dorpie Banyoles, waar ’n opgestopte “Kalahari-Boesman”, slegs bekend as El Negro, uitgestal word. Sy indrukke bly hom by – en wanneer hy dekades later weer van El Negro lees, dié keer in ’n Franse koerant, is dit die begin van ’n ondersoeksreis wat belangrike vrae oor rasopvattings en die Westerse beskawing na vore bring. Wie was hierdie naamlose man? Wat sê sy opgestopte “museumteenwoordigheid” oor Europese denke oor slawerny, rassisme en kolonialisme – en bied hy slegs ’n spieël op ’n vergange tyd, of ook op die hede?

OOR DIE OUTEUR
Frank Westerman (gebore 1964) was aanvanklik ’n buitelandse korrespondent vir die Nederlandse de Volkskrant en NRC Handelsblad voordat hy sy deurbraak as skrywer gemaak het. El negro en ik is in 2004 met die Vlaamse Gouden Uil Literatuurprijs bekroon terwyl Ararat (2007) genomineer is vir die eerste Ryszard Kapuscinski-prys, Pole se toptoekenning vir literêre verslaggewing. Met meer as veertig vertaalde titels in sestien tale, kan Westerman met reg as een van Nederland se suksesvolste outeurs in die buiteland beskou word.

OOR DIE VERTALER
Daniel Hugo was ’n spesialisomroeper by Radiosondergrense en verantwoordelik vir die literêre program “Leeskring”. Hy is ’n gerekende digter met 13 poësiebundels op sy kerfstok. As vertaler het hy reeds die werke van onder andere Tom Lanoye, Rutger Kopland, Herman de Coninck, Harry Mulisch, Herman van Veen en Cecily Mary Barker in Afrikaans vertaal. Vir twee van hierdie vertalings – Tom Lanoye se Sprakeloos in 2014 en Stefan Hertmans se Oorlog en Terpentyn in 2016/2017 – word Hugo met die Suid-Afrikaanse Akademie vir Wetenskap en Kuns se prys vir vertaalde werk bekroon.

Boekbesonderhede


» read article

Franz Marx se eerste roman tref die rakke!

’n Spieël is ’n vreemde ding, want in ’n spieël leef ’n koue leuen; alles is andersom, verkeerdom en plat. Regs is links en links is regs. ’n Spieël lieg, dink hy, want jy kan jouself nie regtig sien nie, nes mens jouself nie kan kielie nie. Tensy jy natuurlik ’n soort aap is, dan kan jy jouself kielie. En lag. Maar Dolf Eksteen lag nie. Daar’s min rede die laaste tyd om te wil lag.

Joe Minnie se lewe raak verweef met dié van een van die rykste besigheidsmanne in die land. Sy opdrag is om Dolf Eksteen met sy lewe te bewaak. Dolf se weelderige bestaan word versuur deur bedelbriewe, afpersboodskappe en doodsdreigemente, en die beeldskone Belinda Eksteen, ’n opkomende vermaaklikheidster, is soos ’n emosionele en finansiële tikkende tydbom aan sy sy.

Met ’n rolverdeling wat ’n deursnit van die Suid-Afrikaanse gemeenskap bied – die onaantasbares, die onderdruktes, die onderduimses – word Spieëlbeeld ’n intense en meesleurende, psigologiese karakterstudie wat nog vir lank by die leser sal spook. ’n Wêreldklas spanningsverhaal waartydens die leser die speurder is.

Franz Marx is ’n bekroonde akteur, draaiboekskrywer, regisseur en vervaardiger met verskeie films, televisiereekse, enkeldramas en minireekse agter sy naam. Hy is ook die skrywer en vervaardiger van Suid-Afrika se eerste sepie, Egoli: Plek van Goud. Sy talle toekennings sluit in die Suid-Afrikaanse Akademie vir Wetenskap en Kuns se SAUK-prys vir Televisiedramas vir die draaiboek van Die buitestaander (1986), asook die Suid-Afrikaanse Akademie vir Wetenskap en Kuns se Erepenning vir Rolprentkuns (1995).

Boekbesonderhede


» read article

Die storie van Afrikaans: uit Europa en van Afrika boeiende leesstof vir enigiemand wat geïnteresseerd is in die ontstaan en ontwikkeling van Afrikaans

Die storie van Afrikaans: uit Europa en van Afrika In hierdie boek – wat in twee dele gepubliseer word en gedeeltelik gebaseer is op E.H. Raidt se Afrikaans en sy Europese verlede – word opnuut gekyk na Afrikaans se veelkantige herkoms: die Europese geskiedenis van Afrikaans (grondig vernuwe en beduidend aangevul) én veral Afrikaans se Afrikaherkoms – oor die opbouproses sedert die 17de eeu om Afrikaans in 1925 as amptelike taal erken te kry, Afrikaans se ontwikkeling as volwaardige standaardtaal in die 20ste eeu en veral die aanneem van die funksies wat hiermee gepaard gaan, Afrikaans se ongelukkige apartheidsverlede en die bevrydings- en versoeningsprosesse wat hierna nodig was.

Die wit verlede van Afrikaans word aangevul met die bruin en swart verlede sodat ’n gedeelde verlede van die sprekers van Afrikaans na vore kom.

Die storie van Afrikaans is die biografie van Afrikaans soos dit op drie kontinente ontwikkel het: in Europa (waar die ontwikkeling van Nederlands as die basisvorm van Afrikaans gedokumenteer en uitgebeeld word), in Afrika (waar die 17de-eeuse Hollandse dialek met verloop van tyd onder eiesoortige omstandighede en onder invloed van verskeie faktore uiteindelik volwaardig Afrikaans geword het) en in Asië (waar die impak van die taal van die slawe die wordende Afrikaans beïnvloed het tot die vorm wat dit wel geword het).

Die outeurs gee aan die hand van talle illustrasies ’n nuwe, meer volledige en inklusiewe blik op Afrikaans se ingewikkelde verlede.

In Deel 1 word die Europese verlede van Afrikaans weergegee. In Deel 2 kom die Afrikaverlede van Afrikaans aan bod. Die boek verken paaie wat nog nie voorheen ontgin is nie, en dit sal ’n besliste bydrae tot die debat oor Afrikaans se verlede wees.

Prof. W.A.M. Carstens was dosent aan die Universiteit van Stellenbosch (1977-1979) en die Universiteit van Kaapstad (1980-1991) voordat hy in 1991 aan die PU vir CHO as dosent in die Afrikaanse taalkunde aangestel is. Hy is in 1994 bevorder tot vol professor in die Afrikaanse taalkunde. Hy is sedert 1 Januarie 2001 Direkteur van die PU vir CHO (sedert 2004: Potchefstroomkampus, Noordwes-Universiteit) se Skool vir Tale. Hy het verskeie publikasies al die lig laat sien: Norme vir Afrikaans, Riglyne by die gebruik van Afrikaans en Afrikaanse tekslinguistiek en onlangs Teksredaksie. Hy is lid van verskeie vakverenigings (nasionaal en internasionaal) en is onlangs aangewys as voorsitter van die eerste Afrikaanse Taalraad. Hy is ook ’n gegradeerde navorser van die Nasionale Navorsingstigting.

Prof. Edith Raidt was tot met haar aftrede in 1996 professor in Historiese en Afrikaanse Taalwetenskap aan die Universiteit van die Witwatersrand. Daarna was sy die stigter-president en hoof uitvoerende beampte van die St. Augustine College van Suid-Afrika in Johannesburg, ’n Katolieke privaat ‘universiteit’ en is sedert 2005 Emeritus President. Sy was ook lid van etlike vakverenigings, onder andere is sy “Buitenlands Erelid van de Koninklijke Academie voor Nederlandse Taal- en Letterkunde” (Gent). Sy is die outeur van Afrikaans en sy Europese verlede (1978, 3de uitgawe 1991), Einführung in Geschichte und Struktur des Afrikaans (1983), asook Historiese Taalkunde: Studies oor die geskiedenis van Afrikaans (1994), ontvanger van die C.J. Langenhovenprys vir Taalkunde van die SA Akademie vir Wetenskap en Kuns in 1994, asook ontvanger van eredoktorsgrade van die voormalige PU vir CHO (tans die NWU) (1997), Universiteit van die Witwatersrand (1998), UPE (1999) en die Universiteit van Natal (2003).

Boekbesonderhede

  • Die storie van Afrikaans: uit Europa en van Afrika – Die biografie van ‘n taal (Deel 1) deur W.A.M. Carstens, Edith Raidt
    EAN: 978-1-4853-0038-0
    Find this book with BOOK Finder!

» read article

Strijdom van der Merwe’s Sculpting the Land reminds us of the capacity of an individual to alter the universe by embracing the changing of nature

As a land artist Strijdom van der Merwe uses the materials provided by the chosen site. His sculptural forms take shape in relation to the landscape.

It is a process of working with the natural world using sand, water, wood, rocks, etc. He shapes these elements into geometrical forms that participate with their environment, continually changing until their final probable destruction. He observes the fragility of beauty while not lamenting its passing. What remains is a photographic image, a fragment of the imagination.

While a visual record is materially all that is left, he also leaves us a reminder of the capacity, however feeble, of an individual to alter the universe by embracing the ceaseless changing of nature, actively contributing to it and in so doing, modulating and beautifying the outcome.
 

Strijdom van der Merwe (b. 1961) is a full-time land artist who lives in Stellenbosch. He studied art at the Universities of Stellenbosch (South Africa), Hooge School Voor de Kunste (Utrecht, Holland), the Academy of Art and Architecture (Prague, the Czech Republic) and the Kent Institute of Art and Design (Canterbury, England).

Among the many decorations he received are the Jackson Pollock-Krasner Foundation grant, a medal of honour from the South African Academy of Arts and Science, the Prince Claus grant in Amsterdam and the Kanna award at the Oudtshoorn Arts Festival for best visual art projection in a musical collaboration. In 2008 he was also nominated for the DaimlerChrysler award for sculpture in public spaces.

He has held numerous exhibitions and commissions on invitation in South Korea, Turkey, Belgium, France, Sweden, Lithuania, Japan, Australia, Germany, England the Netherlands and Italy and his work has been bought by various private and public collectors locally and abroad.

Book details


» read article

’n Wonderlike naslaangids propvol feite oor sterre en planete vir die jongspan

Die storie van sterre en planeteWanneer ’n mens na die naghemel opkyk, sien jy nie net sterre nie.

Die swart leegte van die ruimte is deurspek met voorwerpe van elke denkbare vorm en grootte – van enorme brandende sterre tot piepklein stofvlekkies.

Hierdie boek verken die geheimenisse van sterre en planete en ontsluit die raaisels van astronomie: die wetenskap van die buitenste ruimte.

Boekbesonderhede


» read article

Adam Small: Denker, digter, dramaturg ’n huldigingsbundel wat een van die belangrikste swart Afrikaanse stemme verewig

Met Adam Small se oorlye op 25 Junie 2016 het daar ’n einde gekom aan die lewe van ’n unieke mens en ’n unieke oeuvre: ’n digter, dramaturg en denker met besonderse insig in die aktualiteite van sy tyd.

Hoewel die toekenning van die Hertzogprys aan Small in 2012 en die gepaardgaande publisiteit daarrondom die idee vir ’n huldigingsbundel by die SA Akademie vir Wetenskap en Kuns laat ontstaan het, was dit Small se dood wat die deurslag gegee het om dié publikasie te verwesenlik: Wanneer ’n kunstenaar sterf en sy stem vir ewig verstom het, bied dit immers die geleentheid om oorkoepelend oor die geheel van sy kunstenaarskap te besin.

Die bydraes in hierdie bundel dra die ondertoon van ’n afsluiting, ’n terugblik op die mens en kunstenaar Adam Small, met temas soos die toekoms van Afrikaans en die Afrikaanse letterkunde, die uitbreidende rol van Kaaps, en sosiale vraagstukke soos bendegeweld en armoede.

Mense wat Small van naby geken het is hier aan die woord saam met literatore en kollegas uit die maatskaplikewerk-omgewing waarby Small lewenslank betrokke was.

Adam Small: Denker, digter, dramaturg – ’n Huldiging hoef nie as afsluiting van die gesprek oor Small se lewe en werk beskou te word nie – inteendeel: Dit bied juis ook geleentheid om die oorkoepelende blik oor Small se kunstenaarskap as inleiding tot verdere ondersoek te benut.

OOR ADAM SMALL
Adam Small (1936–2016) was een van die belangrikste swart Afrikaanse stemme om die onreg van Apartheid en die lot van veral die gemarginaliseerde sprekers van Kaaps stem en erkenning in die letterkunde te gee. As opgeleide maatskaplike werker was hy ook lewenslank betrokke by die bemagtiging van armes en onderdruktes in die Suid-Afrikaanse samelewing. Van sy bekendste werke is die toneelstuk Kanna, hy kô huistoe en die digbundels Sê sjibbolet en Kitaar my kruis.

OOR DIE SAMESTELLER
Jacques van der Elst was hoof van die Departement Afrikaans en Nederlands aan die destydse PU vir CHO en was tot 2012 die uitvoerende hoof van die Suid-Afrikaanse Akademie vir Wetenskap en Kuns. Tans is hy navorsingsgenoot in die Skool vir Tale aan die Noordwes-Universiteit.

Boekbesonderhede


» read article

Van kant gemaak vertel ’n broeierige verhaal vol dorpsgefluister wat tydens die Eerste Wêreldoorlog afspeel

Van kant gemaakIn België loop die negentiende eeu ook ten einde. Elisabeth, die dogter van die smid, trou met die jong dokter, Guillaume Duponselle. Dit sal nie ’n gelukkige huwelik word nie. As Elisabeth agt maande later aan ’n tweeling geboorte skenk, is die eersgeborene ’n pragtige seun, Valentyn. Die tweede kind is so mismaak dat Guillaume weier om hom ’n naam te gee.

Tog bly Naamloos lewe. Omdat sy voorkoms sy vader en die dorpenaars ontstel, gaan Naamloos gesluierd deur die lewe. Dan tree die Eerste Wêreldoorlog op die toneel.

Van kant gemaak vertel ’n broeierige verhaal vol dorpsgefluister. Vir almal verloop die toekoms anders as wat hulle verwag.

OOR DIE OUTEUR
Kris van Steenberge (1963) is (toneel)skrywer, regisseur en dosent. Stories van sy oupa, wat by hulle ingewoon het, oor die “Groot Oorlog” vorm die kiem vir sy debuutroman Woesten. Sy tweede roman, Blindelings, het in 2016 verskyn.

OOR DIE VERTALER
Fanie Olivier is ’n bekende Afrikaanse digter en akademikus, maar ook joernalis en regsgeleerde. Hy het ses digbundels gepubliseer en was die samesteller van drie ander, waarvan Die heel mooiste Afrikaanse liefdesgedigte reeds vyf uitgawes gehad het. Die Nederlandse Reina Prinsen-Geerligsprys is aan hom toegeken vir die manuskrip van sy eerste, gom uit die sipres. Naas sy studiejare in Utrecht, het hy ook vir die grootste deel van sy akademiese loopbaan kontak met Nederlands behou as dosent in Nederlandse letterkunde. Hy het in hierdie proses heelwat Nederlandse poësie vertaal, maar dit nooit gepubliseer nie. As deel van sy werk as besoekende professor by die Adam Mickiewicz-universiteit in Pole tussen 2004 en 2016, het hy ook begin met ’n projek om Poolse gedigte saam met studente in Afrikaans te vertaal. Naas enkele vroeëre gepubliseerde vertalings uit Engels, was hy ook verantwoordelik vir die vertaling van J.M. Coetzee se Disgrace.

Boekbesonderhede


» read article

Die debuutroman van ‘Nederland se Jonathan Franzen’ is pas in Afrikaans vertaal

Die lewenslustige Siem Sigerius is ’n briljante wiskundige, kranige judoka, rektor magnificus van die Universiteit van Enschede, en daar wink ook vir hom ’n belowende toekoms in die politiek. Sy vrou, sy pragtige, intelligente stiefdogters en ’n gemaklike, pastorale huis op die platteland voltooi die beeld van idille en sukses.

Wanneer Sigerius egter agter die kap van die byl van sy stiefdogter Joni se duistere bedryf kom en sy misdadige seun boonop ook nog sy opwagting maak, dreig alles in sy idilliese bestaan om op katastrofiese wyse te ontplof.

Die kaleidoskopiese sederoman Bonita Avenue verhaal die ondergang van die Sigerius-gesin teen die agtergrond van Enschede se vuurwerkramp in 2000. Peter Buwalda se debuutroman is ’n portret van ’n era wat die gaping tussen generasies op meesleurende wyse aanpak.

Peter Buwalda is ’n Nederlandse skrywer en redakteur by verskeie uitgewershuise. Hy is een van die stigters van die literêre tydskrif Wah-Wah. Bonita Avenue is sy debuutroman en is deur die Nederlandse uitgewershuis De Bezige Bij gepubliseer.
 

Zandra Bezuidenhout behaal in 2005’n doktorsgraad in eietydse poësie van Afrikaans- en Nederlandstalige vroue. Sy werk onder meer as vertaler, onderwyser en deeltydse dosent, en tans as vryskuttaalpraktisyn. Haar debuutbundel Dansmusieke (2000) is met die Ingrid Jonkerprys bekroon en die tweede bundel Aardling verskyn in 2006 by Protea Boekhuis.

Boekbesonderhede


» read article