Sunday Times Books LIVE Community Sign up

Login to Sunday Times Books LIVE

Forgotten password?

Forgotten your password?

Enter your username or email address and we'll send you reset instructions

Sunday Times Books LIVE

Protea Boekhuis

@ Sunday Times Books LIVE

Archive for the ‘Travel’ Category

Marco Viale se Gaap is ’n uitstekende boek vir ouers wat sukkel om kleintjies aan die slaap te maak!

Het jy al ooit probeer om op te hou gaap? Dis onmoontlik!
Dis soos om te probeer om die reën te laat ophou val. Of soos om jou ouers te oorreed dat sjokolade jou vinniger sal laat groei as groenbone.
As ’n gaap kom, moet dit nie onderdruk nie, want netnou raak jy aan die slaap!

Hierdie is ’n uitstekende boek vir ouers wat sukkel om kleintjies aan die slaap te maak! Niemand kan met hierdie boek ’n GAAP onderdruk nie!

Marco Viale is in ’n klein Italiaanse kusdorpie gebore. Hy is outeur en illustreerder, skilder, en het veel van sy werke in hoofkunsgalerye in Italië en Suid-Frankryk uitgestal. Die uitgewerye met wie hy al gewerk het, sluit in DeAgostini, Mondadori, Einaudi, Ravensburger, Pearson en Usborne. In 2013 is die nasionale Italiaanse prys “Nati per Leggere 2013″ aan hom toegeken en in 2014 wen hy die “Il Mangialibro 2014″-kompetisie vir La città dei lupi blu.

Boekbesonderhede


» read article

Jan De Kinder se Is jy bang in die bos, Pappa Wolf? is ’n pragtig geïllustreerde en humoristiese prenteboek met verwysing na die bekende sprokie Rooikappie

Pappa Wolf en Wolfie gaan verken die bos. Pappa Wolf is glad nie op sy gemak nie, hy sien oral gevaar! Wolfie probeer om sy pappa moed in te praat en hardloop vrolik vooruit.

’n Pragtig geïllustreerde en humoristiese prenteboek met verwysing na die bekende sprokie Rooikappie.

OOR DIE OUTEUR & ILLUSTREERDER
Die Belgiese skrywer en kunstenaar Jan De Kinder het in 2002 gedebuteer met die prenteboek Mathilde. Sedertdien is sy werk al in 14 tale vertaal. Naas skrywer, kunstenaar, spreker en voorleser is Jan ook ’n passievolle eenwielfietsryer met belangstelling in professionele hansworsery, sirkus, improvisasie en straatteater. Sy gunstelingkleur is rooi – in elke denkbare skakering. Hy woon in die Vlaamse stad Tienen saam met sy vrou, drie dogters en ’n mannetjieskat.

Boekbesonderhede


» read article

’n Drie-in-een Afrikaanse vertaling van Paddington – die oulike beertjie uit Donker Peru – is nou beskikbaar!

Paddington 2
Hierdie is ’n drie-in-een boek! Afrikaanse vertaling van Paddington. (Paddington die kunstenaar; Paddington in die hospitaal & Paddington by die dieretuin).

Paddington – die beertjie uit Donker Peru – en sy vriend besoek ’n kunsuitstalling, wat Paddington daar en dan laat besluit om ook te skilder. Hy hoop dat iemand sy skilderye sal koop, maar wag so lank dat hy uiteindelik aan die slaap raak. Toe hy wakker word, wag daar egter vir hom ’n groot verrassing.

Op ’n dag beland Paddington in die hospitaal, maar hy lei aan geheueverlies en kan glad nie onthou hoe hy seergekry het nie. Sal hy ooit weer sy geheue herwin?

Paddington, Jonathan en Judy gaan dieretuin toe. Maar o wee: “Troeteldiere” word nie toegelaat nie! Paddington is tog nie ’n troeteldier nie? Hy is dan deel van die Brown-gesin!
Paddington-beer se stories vermaak kinders regoor die wêreld al vir meer as vyf dekades.

OOR DIE OUTEUR
Thomas Michael Bond is ‘n bekroonde Engelse skrywer, die beste bekend vir sy Paddington-reeks.

OOR DIE ILLUSTREERDER
R. W. Alley het die Paddington-reeks geïllustreer. Hy woon in Barrington, Rhode Island, saam met sy vrou, skrywer Zoë B. Alley

Boekbesonderhede


» read article

Hiérdie versameling stuitige strokies deur Philip de Vos en Piet Grobler sal jou wildste, stoutste verwagtinge oortref…


’n Versameling stuitige strokies deur Philip de Vos en Piet Grobler wat die wildste, stoutste verwagtinge oortref. Dit het oorspronklik telkens op De Kat se agterblad verskyn.

Philip de Vos is ’n bekroonde skrywer, fotograaf en versiemaker van formaat en is in 2015 beloon met ’n KykNET Fiësta Lewensbydrae vir Musiek, Woord- en Visuele kuns in Suid-Afrika. As kind wou hy dolgraag sirkusnar word – en vandag laat hy met die humor in sy werk ’n ieder en ’n elk glimlag. Hy is baie lief vir diere en goggas, en het nog nooit eens ’n mier met opset doodgetrap nie.

Piet Grobler is ’n bekroonde illustreerder wat met sy kunswerke stories vertel. Hy het al meer as 80 boeke geïllustreer en illustrasiewerk vir verskeie tydskrifte en koerante gedoen insluitende Sunday Times, De Kat, Insig, Sarie en Taalgenoot. Hy was senior dosent en kursusleier in Illustrasie aan die Universiteit van Worcester in England.

Boekbesonderhede


» read article

Lees: ’n tienjarige-boekliefhebber resenseer Hoe om ’n draak se toorn te tem vir LitNet

Die tienjarige Aden van Niekerk het onlangs die 12de boek in Cressida Cowell se gewilde Hoe om jou draak te tem-reeks (vertaal deur Kobus Geldenhuys) vir LitNet geresenseer. Hiér is wat die kranige leser (en knap skrywer!) van Cowell se nuutste aflewering gedink het:

Die heel eerste keer wat ek kennis gemaak het met hierdie stories van Cressida Cowell was deur die fliek How to train your dragon. Die boeke het eintlik al in 2003 in Engels verskyn, maar dis eers later in Afrikaans vertaal. Ek het die Hoe om jou draak te tem-boeke begin lees in April 2016 toe ek agt jaar oud was. Dis presies twee jaar gelede, ek is nou tien jaar oud en het dié naweek die laaste boek in die reeks gelees.

Boek twaalf se naam is Hoe om ’n draak se toorn te tem. Dit is ’n skreeusnaakse boek met ’n goeie storielyn en ek het regtig baie daarvan gehou. Dit is ’n konkelende storie, ’n mens-weet-nie-wat-gaan-gebeur-nie-tipe storie en die grappe is regtig snaaks. Dit speel in die Vikinglande af. Ek weet nie presies waar nie, maar dit is fiksie wat probeer om iewers naby Finland in te pas – dis mos die naaste Vikingland aan die Noordpool. Die Barbaarse Argipel (dit word ook die Wilderweste genoem) is vol eilande waar mense aanmekaar oorlog teen mekaar voer. Daar is ook wilde drake en mak drake. Mak drake is drake wat as babas gesteel is en opgelei is om te werk vir mense as slawe of om skootdiere (troeteldiere) te wees.

Die hoofkarakter van die storie is Harwarrus Horribalus Heldehelm die Derde. Hy kan Drakonees praat, die taal van drake. Hy is die enigste mens wat dit kan praat. Harwarrus veg daarteen dat die Wilderweste menslike en draaklike slawe sal aanhou en die enigste manier om dit reg te kry, is om self ’n koning te word. Maar daar is nie elke generasie ’n koning nie. Net as hy genoeg volgelinge kan kry en Grombaard die Gruwelike (die vorige koning van die Wilderweste) se tien verlore toebehore kan opspoor, kan hy as koning gekroon word. Deur die loop van die reeks boeke spoor Harwarrus die verlore toebehore op – dit is skatte soos ’n tandlose draak, Grombaard se tweede beste swaard, die Romeinse skild, die tik-tak-ding, die robynhartsteen, die pyl uit die land-wat-nie-bestaan-nie, die sleutel wat alle slotte oopsluit, die troon en die kroon. Die belangrikste toebehoorsel is die draakjuweel wat die mag het om alle drake vir ewig uit te wis.

Die grootste menslike vyand is Alvin die Verraderlike wat probeer om koning te word, en sy ma, die heks Excellinor. Dan is daar ’n draakvyand, die draak Verwoed. Hy is die leier van die draakrebellie en hulle is vol van die Rooi Raserny – dis wat die boeke dit noem. Hulle hou ’n rebellie omdat hulle wil hê daar moet nie meer draakslawe wees nie. Aan die begin van die twaalfde boek het Alvin die Verraderlike amper koning geword van die Wilderweste én Harwarrus het geen van die toebehore meer nie én die draakrebelle maak jag op Harwarrus!

Die twaalfde boek is so geskryf dat hy op sy eie kan staan sonder die ander boeke, maar dit sal baie beter wees as jy dit in die volgorde van die reeks lees, want dan verstaan mens hoe Harwarrus hiér uitgekom het en hoe hy dáár uitgekom het, waar dít vandaan kom en waar dát vandaan kom. Dis die dikste boek wat ek nog ooit gelees het (dis 471 bladsye lank), maar wat my laat aanhou lees het, is dat daar die heeltyd hoogtepunte is.

Lees Aden se volledige resensie hier.

Boekbesonderhede


» read article

Katherine Paterson se Bridge to Terabithia in Afrikaans beskikbaar!

Jess Aarons se grootste droom is om die vinnigste in sy graad te hardloop. Hy het die hele somervakansie geoefen en kan nie wag om sy klasmaats se gesigte te sien wanneer hy hulle almal wen nie.

Maar op die eerste skooldag is ’n nuwe meisie dapper genoeg om die seuns aan te durf en boonop almal uit te stof.

Dis nie ’n baie belowende begin vir ’n vriendskap nie, maar Jess en Leslie Burke word onafskeidbaar. Saam skep hulle Terabithia, ’n magiese koninkryk in die woud waar hulle twee as koning en koningin heers.

Dan is daar eendag ’n verskriklike tragedie.

Eers wanneer Jess hierdie tragedie begin verwerk, besef hy uiteindelik hoeveel krag en moed Leslie vir hom gegee het.

Wenner van die Newbery-medalje.

“Roerend en met groot impak.” – Kirkus Reviews

“Hierdie storie is merkwaardig ryk en diep, pragtig geskryf.” – The Horn Book
 
 
 
OOR DIE OUTEUR
Katherine Paterson is die outeur van meer as 30 boeke, insluitend 16 kinder- en jeugromans. Sy is twee keer bekroon met die Newbery-medalje: in 1978 vir Brug na Terabithia (Bridge to Terabithia) en in 1981 vir Jacob Have I Loved. Sy is onderskeidelik in 1998 en 2006 bekroon met die Hans Christian Andersen-prys en die Astrid Lindgren gedenkprys.

OOR DIE VERTALER
Kobus Geldenhuys het in 2015 die Elsabé Steenbergprys vir vertaalde kinder- en jeugliteratuur in Afrikaans ontvang vir Cressida Cowell se Hoe om jou draak te tem: Hoe om Drakonees te praat (Protea, 2014), en in 2016 is hy met die Alba Bouwerprys vir kinder- en jeugliteratuur bekroon vir sy vertaling van Michael Morpurgo se Hoekom die walvisse gekom het (Protea, 2015).

Boekbesonderhede


» read article

Philip de Vos and Piet Grobler’s latest blast of a picture book has just hit the shelves!


 
 
 
 
 
 
 
 
 
 
 
 
 
 
 
 
In 1838, Robert Schumann composed a 13 piece piano work which he entitled Kinderszenen (Scenes from Childhood). He later added individual titles for each movement, after his wife Clara commented that he sometimes seemed like a child himself. These 13 pieces depict the daily life and experiences of a child, as well as his relationship with his parents and with his own world – as seen from a nostalgic adult’s perspective. Philip de Vos was inspired by both Schumann’s music and titles to write verses of his own.

Philip de Vos is an award-winning author, poet and acclaimed photographer and in 2015 received a KykNET Fiesta Lifetime Achievement award for Music, Literature and the Visual Arts in South Africa. As a child he dreamt of joining the circus as a clown, today the humour in his work makes many a reader smile. He loves animals and bugs and has never even stepped on an ant on purpose. He lives in Green Point, Cape Town.

Piet Grobler is an award winning illustrator who tells stories with his paintings and illustrations. He has illustrated more than 80 books and has done illustration work for various magazines and newspapers including Sunday Times, De Kat, Insig, Sarie and Taalgenoot. He was a senior lecturer and course leader in Illustration at the University of Worcester in the West-Midlands of England.

Book details


» read article

Dié boek lewer ’n bydrae om die weerstand van gay en lesbiese persone verstaanbaar te maak vir mense wat sukkel om dit te begryp

In Oktober 2015 het die Algemene Sinode van die NG Kerk ’n merkwaardige besluit oor selfdegeslagverhoudings geneem.

Die besluit het erkenning gegee aan sulke verhoudings en dit vir predikante moontlik gemaak om gay en lesbiese persone in die eg te verbind. Ook die selibaatsvereiste wat tot op daardie stadium vir gay predikante gegeld het, is opgehef.

Met hierdie besluit het die NG Kerk die eerste hoofstroomkerk in Suid-Afrika en Afrika geword wat totale gelykwaardige menswaardige behandeling van alle mense, ongeag seksuele oriëntasie, erken – en is gedoen wat slegs in ’n handjievol kerke wêreldwyd uitgevoer is.

Die besluit het egter gelei tot groot konsternasie. Verskeie appèlle en beswaargeskrifte is ingedien, distriksinodes het hulle van die besluit distansieer, en in die media was daar volgehoue kritiek en debat.

Die besluite wat geneem is in 2015 is die kulminasie van ’n lang proses wat reeds in die 1980’s begin het.

Die boek Weerlose weerstand is ’n persoonlike relaas van dié lang, komplekse proses in die NG kerk. Die verskillende verslae wat voor die sinodes gedien het, die besluite wat daaruit voortgevloei het en die stories daaragter word uit ’n persoonlike perspektief behandel.

Die boek lewer ’n bydrae om die weerstand van gay en lesbiese persone verstaanbaar te maak vir mense wat sukkel om dit te begryp.

OOR DIE OUTEUR

André Bartlett is hoof van Excelsus, die Sentrum vir Bedieningsontwikkeling by die Universiteit van Pretoria.

Hy was voorheen predikant van die NG Kerk in Pretoria, Potchefstroom en Johannesburg.

Sedert 1999 is hy amptelik betrokke by die gesprek in die NG Kerk oor homoseksualiteit. Hy is voorsitter van die Suid-Afrikaanse Raad van Kerke in Gauteng en ook ’n lid van die Nasionale Uitvoerende Komitee van dié organisasie.

Boekbesonderhede


» read article

Adam Small: Denker, digter, dramaturg ’n huldigingsbundel wat een van die belangrikste swart Afrikaanse stemme verewig

Met Adam Small se oorlye op 25 Junie 2016 het daar ’n einde gekom aan die lewe van ’n unieke mens en ’n unieke oeuvre: ’n digter, dramaturg en denker met besonderse insig in die aktualiteite van sy tyd.

Hoewel die toekenning van die Hertzogprys aan Small in 2012 en die gepaardgaande publisiteit daarrondom die idee vir ’n huldigingsbundel by die SA Akademie vir Wetenskap en Kuns laat ontstaan het, was dit Small se dood wat die deurslag gegee het om dié publikasie te verwesenlik: Wanneer ’n kunstenaar sterf en sy stem vir ewig verstom het, bied dit immers die geleentheid om oorkoepelend oor die geheel van sy kunstenaarskap te besin.

Die bydraes in hierdie bundel dra die ondertoon van ’n afsluiting, ’n terugblik op die mens en kunstenaar Adam Small, met temas soos die toekoms van Afrikaans en die Afrikaanse letterkunde, die uitbreidende rol van Kaaps, en sosiale vraagstukke soos bendegeweld en armoede.

Mense wat Small van naby geken het is hier aan die woord saam met literatore en kollegas uit die maatskaplikewerk-omgewing waarby Small lewenslank betrokke was.

Adam Small: Denker, digter, dramaturg – ’n Huldiging hoef nie as afsluiting van die gesprek oor Small se lewe en werk beskou te word nie – inteendeel: Dit bied juis ook geleentheid om die oorkoepelende blik oor Small se kunstenaarskap as inleiding tot verdere ondersoek te benut.

OOR ADAM SMALL
Adam Small (1936–2016) was een van die belangrikste swart Afrikaanse stemme om die onreg van Apartheid en die lot van veral die gemarginaliseerde sprekers van Kaaps stem en erkenning in die letterkunde te gee. As opgeleide maatskaplike werker was hy ook lewenslank betrokke by die bemagtiging van armes en onderdruktes in die Suid-Afrikaanse samelewing. Van sy bekendste werke is die toneelstuk Kanna, hy kô huistoe en die digbundels Sê sjibbolet en Kitaar my kruis.

OOR DIE SAMESTELLER
Jacques van der Elst was hoof van die Departement Afrikaans en Nederlands aan die destydse PU vir CHO en was tot 2012 die uitvoerende hoof van die Suid-Afrikaanse Akademie vir Wetenskap en Kuns. Tans is hy navorsingsgenoot in die Skool vir Tale aan die Noordwes-Universiteit.

Boekbesonderhede


» read article

Hanlie Retief reis saam met Voetspore deur Ethiopië (Plus: Foto’s en ’n video)

Voetspore op die ewenaarVoetspore: Agulhas tot AlexandriëJohan Badenhorst se agtste reisjoernaal, Voetspore op die ewenaar: ‘n Reis van Lamu tot Muanda, het vroeër vanjaar by Protea Boekhuis verskyn.

Hierdie reis het begin in Kenia, gekronkel deur Uganda en geëindig in die Demokratiese Republiek van die Kongo en die boek bevat pragfoto’s deur Gideon du Preez Swart.

Die ink was nog nie eens droog nie, toe pak die Voetspore-span weer die lang pad aan – dié keer na die Groot Skeurvallei in Oos-Afrika wat deur sewe lande gaan. Hanlie Retief het by Badenhorst aangesluit en verslag gelewer vanuit die hart van Ethiopië:

‘Is daar nog van daai potbrood van jou oor, Nobert?” vra ­Johan Badenhorst hoopvol terwyl hy die bakkie agter oopklap, die stofie uittrek en die swart Voetspore-ketel aan die prut kry vir ’n koppie koffie.

Ons is iewers langs ’n pad in die hart van Ethiopië. Soos altyd in dié land verskyn daar in ’n oogwink 50 mense wat jou nuuskierig aanstaar terwyl jy grondboontjiebotter en stroop op Nobert ­Coetzee se brood smeer.

Toe ek in November by hulle in Addis Abeba aangesluit het, het die Voetspore-span in hul drie Volkswagen Amarokke reeds 14 000 km in Voetspore in die Groot Skeurvallei afgelê. Hulle is oor teerpad, grondpad, modderpad, deur slaggate, druk stadsverkeer, sandwoestyn, klipwoestyn. Sonder enige teëspoed, sonder ’n enkele pap wiel.

Voetspore is tans in Madagaskar, waar hulle die afgelope naweek die Suid-Afrikaanse vlag laat wapper het in Morondava, ter ondersteuning van die Springbokke se Rugbywêreldbeker-wedstryd teen Nieu-Seeland.

Lees meer oor dié jongste ekspedisie op Voetspore se webtuiste en loer na die foto’s op Facebook:

Madagaskar is naas Groenland, Nieu Guinee en Borneo die wêreld se vierde grootste eiland. Dit is ʼn land van dramatiese kontraste en wel bekend vir sy diverse landskappe, flora en fauna en fassinerende kultuur van sy mense. Daar is iets in Madagaskar vir almal: natuurliefhebbers word onvermydelik betower deur die uniekheid van sy fauna en onvergelykbaar diverse flora.

Daar word dikwels na Madagaskar verwys as die Groot Rooi Eiland as gevolg van sy rooi kleigrond. Die eiland het tussen 120 en 165 miljoen jaar gelede van die super-kontinent Gondwana afgesplit. Dit het toegelaat dat die eiland in geografiese isolasie uit Afrika en Indië ontwikkel het, wat ‘n evolusie van sy plante en diere toegelaat het in ʼn beskermde omgewing, grootliks vry van roofdiere.

 

 

Kyk ook na die lokprent van die Voetspore-span se avontuur van Agulhas tot Alexandrië, soos vasgevang in die boek, Voetspore: Agulhas tot Alexandrië:

 

 
Lees ook:

Boekbesonderhede


» read article